كشفت الممثلة المصرية راندا البحيري عن تفاصيل مشهد صوّرته ضمن أحداث مسلسل “الأب الروحي” بجزئه الثاني.
وعلى حسابها في “إنستغرام” نشرت البحيري مقطع فيديو من كواليس تصوير المشهد الذي ظهرت فيه نائمة في صندوق زجاجي والمياه تغمرها.
وكان المشهد يدور حول قتل البحيري بأمر من الممثل محمد محمود عبد العزيز عن طريق الغرق.
المشهد الذي أفزع مُخرج «الأب الروحي» على راندا البحيري
وعندما انتهوا من تصوير المشهد، اقترب المخرج تامر حمزة وطرق على الزجاج وبدأ ينادي على راندا لكنها لم تجب.
ففزع المخرج وهرع هو وفريق العمل ليفتحوا الصندوق ويخرج البحيري من داخله.
ونشرت الممثلة الصغيرة الفيديو وأرفقته برسالة طويلة قالت فيها:
“الـ 18 ثانية دول من كواليس تصوير مسلسل الأب الروحى.. المخرج الأستاذ تامر حمزة، قال لي أنام فى المياه.. قفلت عينى ومكنتش سامعة أى حاجة برة علشان صوت المياه اللى بتنزل من فوق كان عالى جدااااا.. ده غير أن البوكس الإزار ده مقفول عليا من فوق”.
وأضافت: “قفلت عيني علشان ياخدوا الشوط اللي عايزينه.. وخدوا الشوط اللي عايزينه.. وبعدها الأستاذ تامر بينادي (فتحي عينك يا راندا.. فتحي عينك يا راندا.. خلاص يا راندا خلصنا)، وأنا مبردش أنا أصلا مش سامعة أي حاجة”.
وتابعت “الأستاذ تامر افتكرني موت أو دايخه.. أو إن أى حاجة حصلتلي.. واترعب عليا خاف على خوفي قسما بالله مشوفتهوش قبل كده.. جرى وقعد يصرخ ويزعق في كل الناس علشان يلحقوني.
https://www.instagram.com/p/Bp9IIcBg6r8/?utm_source=ig_embed
وهو شخصيا جرى وجاب السلم وأول ما عرف إني صاحية وشافني قدام عينه بصلي.. حط إيده على وشه وعيط وبعدها فضل دقيقة قاعد على الأرض بيجمع نفسه من الخضة.
على فكرة أنا كان بقالي شوية قبل زمن الفيديو ده مبردش عليهم خالص علشان كده الخضه كانت كبيرة”.
وقالت: “أنت يا أستاذ تامر يومها كبرت في نظري أوي أوي أوي..”
وكانت الممثلة راندا البحيري، من نجوم الجزء الثاني، والتي شاركت في العمل مع المخرج تامر حمزة، ولاقى دورها استحسان الجمهور.
ويشارك في الجزء الثاني من “الأب الروحي”، مجموعة كبيرة من الفنانين، وهم: سوسن بدر وأحمد عبد العزيز ودنيا عبد العزيز ومحمود الجندى ووفاء سالم، وإيهاب فهمي.
كما يشارك كل من محمد عز ومحمد محمود عبد العزيز، محمد رياض وعبير صبرى وسيمون وحسن حسنى وهادى الجيار ولطفى لبيب وحنان شوقى وجمال عبد الناصر ومحمد التاجى وإيمان أبو طالب.
