“قلبه أسود وكنت عايزاه يغور من حياتي”! شيرين تكشف تفاصيل “مثيرة” حول انفصالها عن حسام حبيب (فيديو)

كشفت الفنانة شيرين عبد الوهاب، الثلاثاء 19 يوليو/تموز 2022، تفاصيل علاقتها بطليقها حسام حبيب، مشيرة إلى أنها كذبت على الجمهور؛ سعياً للتخلص منه.

قالت شيرين عبد الوهاب في تصريحات تلفزيونية نقلتها وسائل إعلام مصرية: “عاوزة أستغفر ربنا لأني كدبت كتير على الناس، وحاولت أجمل صورة حسام حبيب، وأنا مبحبش الكدب وكنت بجمل صورته، بس عشان يغور وأرتاح منه، وعربيتي المرسيدس  كانت باسمه واتسرقت واحنا في الساحل الشمالي”.

شيرين عبد الوهاب تهاجم حسام حبيبي

واصلت شيرين عبد الوهاب: “عشنا أنا وبناتي 4 سنوات  صعبة ومكنوش بيعرفوا يقعدوا معايا لأنه مريض بحب الامتلاك، ومكنش بيشتغل ولا بيشوف أهله ولا أصحابه وخسرني أمي وأخويا وأختي، وحاول يقنعني أن كل الناس بتتآمر عليّ عشان مش عاوزانا نبقى مع بعض، وصدقته، لكنه شخص مارس معي كل أشكال الابتزاز”.

أضافت: “أنا عاوزة أستغفر ربنا على الكذب اللي كذبته عشان أخلي صورة إنسان تبقى كويسة، وأنا كذبت ودي أكتر حاجة ربنا مايحبهاش هي الكذب وأنا محبوش.. أنا كدبت في حاجات كتيرة أوي لأني بنت أصول، وكنت عاوزة أرفع صورة إنسان ممكن يروح في يوم من الأيام يتجوز من عيلة تانية وأخلص منه، ولو كنت قلت كلام وحش وقتها مكنش هيعرف يتجوز وأنا نفسي يتجوز ويغور ويبعد عني.. هو ضيع لي حياتي وعيلتي وأصحابي”.

حسام إنسان فاضي!

كما قالت، وفق ما نقلت تقارير إعلامية مصرية: “حسام إنسان فاضي وقلبه أسود ومش بحبه.. حبِّتُه عقربة مش لاقيه تنام فيها.. أنا في حياتي عمري ما اتأذيت بالشكل ده غير منه.. إنسان قلبه أسود.. إنسان فاضي ويغتاب كل الناس”، وواصلت بالقول: “أنا خرجت من العلاقة دي بالوَكْسَة والهم والندم وبكل حاجة وحشة.. وعملت له محضر بعدم التعرض لي ولبناتي، أنا عاوزة أستغفر ربنا؛ لأني كدبت كتير على الناس، وحاولت أجمِّل صور حسام حبيب، وأنا مبحبش الكدب، وكنت بجمل صورته بس؛ عشان يغور ويتجوز وأرتاح منه، وعربيتي المرسيدس كانت باسمه، واتسرقت وإحنا في الساحل الشمالي”.

مشيرة إلى أن: “والد حسام حبيب تقريباً هو المتحدث الرسمي لعلاقتي أنا وحسام حبيب، وأنا عمري ما هرجع لحسام أبداً، دا أنا أتجوز قرد ولا أتجوز حسام، وبقول لـ حسام حبيب فوق يا ابني واعرف أنت بتكلم مين.. أنا من القلعة.. دا أنا أتجوز الفيل أبو زلُّومة أو القرد اللي في جنينة الحيوانات ولا أرجع له تاني”. 

شيرين قالت كذلك وفق تقارير صحفية: “لو رحت عملت حفلة أو فرح ناجح ينكد عليّ ويقولي كنتي ماسكة الراجل كده ليه؟ والواد بيعمل معاكِ كده ليه؟ أقوله ده قد ابني ولو عملت إعلان ناجح زي إعلان بنك مصر، وأبقى تريند والناس مبسوطة بيَ لازم هو ينكد عليّ، ويبوظ اليوم”.

تابعت: “تم طلاقنا بعد حلق رأسي وكان طلاق بائن، وبعد أن هدأت من الكارثة، شعرت أني لا أستطيع الاستغناء عنه ولازم أديله فرصة تانية، وأن مينفعش نبعد عن بعض بفجر في الخصومة، وكنت مؤمنة أن العلاقة مقدسة، وكنت بحبه وفاكراه ابني مش جوزي، وعملتله أستوديو لشغلنا، وقمت بشراء كل الأغاني التي أعجبته بشيكات باسمي عشان متروحش منه”.

كما كشفت تعرضها للتنمر من حسام حبيب، قائلة: “بعد ما عمل كل ده ألاقيه بيتهمني ويتنمر عليّ ويقولي تخنتي وبقيتي شبه أمك، وأنا عاوز واحدة أتباهى بيها قدام الناس تبقى حلوة ورفيعة، وكلام من ده، بخلاف الخناقات التي تعرضت فيها للضرب والسحل على الأرض والشتيمة، عمر ما في إنسانة تقبلها على نفسها”.

في حين واصلت الفنانة حديثها: “لما تم طلاقي رجعتله وأديته فرصة أخرى بشروط، وأن يكون مختلف عن بيت الزوجية، وألا يتعرض البنات لحالة نفسية سيئة، وكان بيتردد على بيتي عشان فيه أستوديو تحت البيت وقتها وبينا شغل، وحاولت أهيأ البنات إنه ما زال موجود لحد ما تلاشت الوعود مجدداً، ورجعت المشاكل وقلة الأدب ترجع بلا سبب”.